Конференција „Социјалното претприемништво како пат до вработувањето на лицата со хендикеп“ се одржа на 20 април 2017 година во Хотел Порта во Скопје.
Целта на оваа конференција е преку искуствата и практиката на земјите членки на Европската Унија да се изнајдат алатки за подобра работна и социјална инклузија на ЛХ во локалната заедница со цел да се намали невработеноста, општата социјална несигурност и сиромаштија во општеството.
Конференцијата е во рамките на проектот „Пилот акција за пристап кон правата на работа на лицата со хендикеп“ кој го реализираат партнер организациите Полио Плус – движење против хендикеп, Македонија и Здружение ЛИНК, Мостар Босна и Херцеговина.
Проектот е финасиран од Делегацијата на Европската унија во Република Македонија и ЦФЦД / Министерство за Финасии преку ИПА програмата за социјална инклузија на локално ниво, инструмент на Европската Унија за предпристапна помош ИПA оперативната програма за развој на човечките ресурси 2007 – 2013.