Во рамки на проектот „Одржливи модели за вработување на Ромите“ во период од 11 до 13 август 2017 година во хотел Климетица во Охрид се одржа обука за вработување на жени од ранливи категории од Куманово и Прилеп. Целта на обуката е зголемување на конкурентноста на жените Ромки на пазарот на трудот преку зголемување на нивните вештини за општа вработливост.

Конкретно обуката се насочи кон:

• Зајакнување на комуникациските и презентациските вештини на жените од ранливи категории;
• Зголемување на самодовербата и мотивацијата за самостојно да аплицираат на работни позиции кои се нудат на пазарот на трудот;
• Стекнување на вештини за изготвување на квалитетна апликација за работа.

На обуката присуствуваа вкупно 15 жени од ранливи категории (Ромки, самохрани мајки, долгорочно невработени, приматели на социјална помош, и итн).

Обуката за вработување и мотивација се спроведува во рамки на проектот „Одржливи модели за вработување на Ромите“ финансиран од Европската Унија. Општата цел на проектот е да придонесе кон интегрирање на Ромите на пазарот на трудот, преку подобрување на нивните вештини за вработување во градежниот сектор и секторот за домување и енергетска ефикасност. Главната цел на проектот е зголемување на потенцијалот за вработување на ромската популација, обезбедувајќи соодветни и пазарно вреднувани лични карактеристики (знаење, вештини, мотивација) и олеснување на пристапот до пазарот на труд преку креирање на „мрежа за вработување“ која ќе ги поврзе градежните компании и потенцијалните Ромски работници. Имплементатори на проектот се Хабитат Македонија, ДРОМ и Креација. Проектот ќе се спроведува во општините Куманово и Прилеп.

• 

  HfH MK Ohrid Women Training

  

  HfH MK Ohrid Women Training

  

  HfH MK Ohrid Women Training