Коалиција на младински организации СЕГА заедно со ЕАСП Скопје организира промоција на публикуваното истражување „Студиска анализа на потреби: социјално вклучување на ранливите групи преку создавање на еднакви можности за пристап до пазарот на труд“ во хотел Карпош, Скопје на 07 септември 2017 година со почеток во 11.00 часот.

Целта на настанот е да се презентира актуелната состојба на младите лица на возраст од 18 – 29 години приматели на социјална помош или живеат во семејства кои се приматели на социјална помош во однос на нивната вработливост и учество во пазарот на трудот.

Публикацијата е дел од проектот Подобрување на социјалната инклузија преку јакнење на вработливоста „Отворена врата – за младите од младите“ од втората грантова шема од компонентата ИПА4 со специфична намена за социјална инклузија. Основната цел на проектот е да се олесни социјалното вклучување на ранливите групи на млади луѓе преку создавање на еднакви можности за пристап до пазарот на труд и подобрување на нивната вработливост преку градење на нивните вештини да се вклучат на пазарот на труд и нивна целосна интеграција во општеството.